दलितवस्तीको पीडा सुन्दै पदयात्री (फोटो फिचर)

चिसापानीे– जातीय विभेद तथा छुवाछूतको व्यवाहिरक अन्त्यको मूल नारासहित महाकालीको दोधारा चाँदनीबाट सुरु भएको महाकाली –मेची पदयात्राको टोली चिसापानीमा आइपुगेको छ ।
चैत ३ गतेबाट सुरु गरिएको महाकाली–मेची पदयात्राको टोली आइतबार चिसापानीमा आइपुगेकोको हो ।
महाकाली नगरपालिका, भिमदत्त नगरपालिका, बेदकोट नगरपालिका, सुक्लाफाँट नगरपालिका, कृष्णपुर नगरिपालिका गोदाबारी नगरपालिका ,धनगढी उपमहानगरपालिका र गौरीगंगा नगपालिका, बर्दगोरिया गाउँपालिका ,सुखड नगरपालिकाभित्रका विभिन्न सरोकारवाला निकाय र स्थानीय समुदायसँग टोलीले संवाद गर्दै पदयात्राको टोली चिसापानीमा आइपुगेको हो । पदयात्रीहरुले करिब ११ बस्ती, नगरपालिका ,गाउँपालिका वडा कार्यालयहुँदै ५४ सय भन्दा बढी आम जनतासँग प्रत्येक्ष संवाद गदै अघि बढेको हो ।

पदयात्राको टोली दलित र गैर दलितबीच विद्यमान विभेदका घटनाहरुको अवलोकन अध्ययन गदै स्थानीय स्तरमा गर्न सकिने समधानका उपायहरुसमेत संवादका माध्यबाट पहिचान गदै अगाडि बढेको छ ।
पदयात्रीले चिसापानीसम्म आइपुग्र्दा १ सय ५१ किलोमिटर दुरी पार गदै २ लाख २० हजार ६ सय ३ पाइला हिडिसकेका छन् ।

पदयात्री विभिन्न वस्तीवस्तीमा पुग्दै स्थानीय सरोकारवालाहरुसँगै संवाद समेत गर्ने गरेका छन् । यस्तै पदयात्रीहरुले शुक्लाफाँट नगरपालिकाको बंक, गेदावारी नगरपालिकास्थति लालपुरको कोलीकटान, बलचौरको मुडास्थित बादी वस्तीमा विशेष कार्यक्रम गरेको थियो ।
पदयात्रामा हजारै स्थानीयहरुले सहयोग र समर्थन गरेका छन भने नगरपालिका ,गाउँपालिका र प्रहरी प्रशासनबाट राम्रो सहयोग भएको छ । जातीय विभेद तथा छुवाछूतको व्यवाहिरक अन्त्यको मूल नारासहित महाकाली–मेची पदयात्रा होमराज आर्चाय ,रिता परियार र अशोक दर्नालले सुरु गरेका हुन् ।