काठमाडौ– समानुपातिक,समावेशी सिद्धान्त विपरित खुलाइएको लोक सेवा आयोगको विज्ञापन तत्काल खारेज गर्न माग गर्दै आरक्षण बचाऔं आन्दोलनले काठमाडौंको माईतीघरमा विरोध प्रर्दशन गरेको छ ।
मंगलबार काठमाडौंको माईतीघरमा आदिवासी जनजाति, मधेशी, दलित, मुस्लिम, महिला, अपाङ्गता भएका व्यक्ति र पिछडिएको क्षेत्रले संयुक्त रुपमा आरक्षण बचाऔं आन्दोलनले विरोध प्रर्दशन गरेको हो ।
लोक सेवा आयोगको विज्ञापन प्रकाशित भएलगतै आन्दोलन चरणबद्ध आन्दोलन गदै आइरहेको आरक्षण बचाऔं आन्दोलनले नेपाल बन्दको कार्यक्रम समेत सार्वजनिक गरिसकेको छ ।
सुन्धारा, बानेश्वर, कुपोन्डोल र न्युरोडबाट ¥याली सहित माईतीघरमा आयोजना गरिएको विशाल जनसभामा सहभागि हुन आइपुगेका थिए ।
प्रर्दशनमा उत्रिएका दलित,महिला, जनजाति, मुस्लिमलगायतका समुदायहरुले संविधान विपरित स्थानीय तहको विज्ञापन खुलाइएको दावी गर्दै तत्काल खारेज गर्न लोक सेवा आयोगलाई पनि दवाव दिए । ‘सिमान्तकृत समूदायको अधिकार सुनिश्चित गर’, ‘लोक सेवा आयोगलाई बाहुन सेवा आयोग बनाउन पाईदैन’, लगायतका प्लेकार्ड बोकेका उनीहरुले समावेशी सिद्धान्तको खिल्ली उडाउने काम गरेको भन्दै सरकारविरुद्ध चर्का नाराबाजी समेत गरेका थिए ।
मन्त्री पण्डितको राजीनामा माग
संघीय मामिला तथा सामान्य प्रशासनमन्त्री लालबाबु पण्डितको राजीनामा माग आन्दोलनरत पक्षहरुले उठाए । उनीहरुले मन्त्री पण्डित तत्काल राजीनामा दिनुपर्ने नाराबाजी गरेका थिए । संविधानको मर्म भावनाविपरित मन्त्री पण्डित उत्रिएको भन्दै सरकारविरुद्ध चर्का नाराबाजी समेत गरेका थिए । लोकसेवा आयोगले समावेशी समानुपातिक सिद्धान्त विपरित गएर स्थानीय तहका कर्मचारी भर्ना सम्बन्धि जेठ १५ गते विज्ञापन प्रकाशित गरेको थियो ।
Leave a Reply