प्युठानमा दलित दम्पत्ती मृत फेला, हत्या भएको आशंका

प्युठान —   प्युठानको माण्डवी गाउँपालिका– २ रातापानीका एक दम्पत्ती आफ्नै घरमा मृत फेला परेका छन । ६० वर्षीय रामबहादुर परियार र उनकी ५६ वर्षीय  श्रीमति हुकुमा परियार घरमा मृत फेला परेका हुन ।

फागुन ९ गते राती घरमा खान खाई सुतेका उनीहरुको बिहान अबेरसम्म नउठे पछि छिमेकीले त्यस्तो अवस्थामा देखेपछि नजिकको तिराम प्रहरी चौकीलाई खबर गरेका थिए ।

आइतबार बिहान जिल्ला प्रहरी कार्यालयका प्रमुख डिएसपी दिपेश बस्यालसँग सम्पर्क गर्दा आफु अहिले पनि घटनास्थलमै रहेको बताउँदै भने, ‘ यी दम्पत्तीको शरिरमा गहिरो चोट लागेको छ । धारिलो हतियार प्रयोग गरेको र कसैले हत्या गरेको आशंका छ । ’

उनले थप अनुसन्धानका लागि भैरहवाबाट तालिम प्राप्त कुकुर झकिाएको  बताए । डिएसपी बस्यालले  उनीहरुका चार छोराहरु भारतमा रहेको र  छोरीको विवाह भइसको बुझिएको छ ।