काठमाडौं — नयाँ गठबन्धनले नयाँ सत्ता समीकरण बनाएसँगै तीन जना नवनियुक्त मन्त्रीले राष्ट्रपति रामचन्द्र पौडेलसँग पद तथा गोपनीयताको शपथ लिएका छन् ।
सोमबार साँझ नेकपा एमालेका पदम गिरी, नेकपा माओवादी केन्द्रका हितबहादुर तामाङ र राष्ट्रिय स्वतन्त्र पार्टीका डीपी अर्यालले राष्ट्रपति पौडेलसँग शपथ लिएका हुन् ।
नवनियुक्त मन्त्रीहरूलाइ मन्त्रालयको बाँडफाँड नभएको हुँदा उनीहरूले बिना विभागीय मन्त्रीका रूपमा शपथग्रहण गरेका छन् ।
गत वर्ष पुस १० गते एमाले सरकारमा सहभागी हुँदा पदम गिरी स्वास्थ्य तथा जनसंख्या मन्त्री र डोलप्रसाद अर्याल श्रम तथा रोजगार मन्त्री थिए । नेकपा माओवादी केन्द्रले कांग्रेससँग गठबन्धन गरेपछि उनीहरु सरकारबाट बाहिरिएका थिए ।
Leave a Reply