एक हप्ताभित्रै दुई दलित महिला बलात्कृत

रौतहट—  रौतहटको देवाही गोनाही नगरपालिका  वडा  १  की ३० वर्षीय पासवान थरकी विवाहित महिला स्थानीय एक पुरुषबाट बलात्कृत भएकी छन् ।

रौतहटको देवाही गोनाही नगरपालिकामा एक हप्ताभित्रै दुई दलित महिला बलात्कृत भएका छन् । यो दोस्रो घटना हो । देवाही गोनाही–१ का ४० वर्षीय राकेश राउत कुर्मीले गएराति सोही वडाकी ३० वर्षीय पासवान थरकी विवाहित महिलालाई जबर्जस्ती करणी गरेका हुन् ।

राति करिब १२ बजेको समयमा कुर्मी ती महिलाको घरभित्र प्रवेश गरी ज्यान मार्ने धम्की दिएर जबर्जस्ती करणी गरेको ईलाका प्रहरी कार्यालय देवाही गोनाहीका प्रहरी प्रमुख राजन लम्सालले बताए ।