ओ तानाशाह !

शून्यताको कम्बल फालेर

एकपटक ख्वाक खोक्छ

लगत्तै माथिल्लो घर खोक्छ

लगत्तै तल्लो घर खोक्छ

लगत्तै पल्लो घर खोक्छ

लगत्तै वल्लो घर खोक्छ

चराहरू चिर्बिर–चिर्बिर गर्न थाल्छन्

हलो, कुट्टो र कोदालोसँग गाउँ निस्किन्छ

कल कारखानाहरू चल्न थाल्छन्

सडक हुँइकिन थाल्छ ।

बिस्तारै सहर हल्लाले भरिन थाल्छ

वातावरण अशान्त हुँदै जान्छ ।

ठीक यहीबेला किनारामा उभिएर

अनागरिक मानिसले

सलाइै कोर्छ र सल्काउँछ चुरोट

हे ! तानाशाह नठान्नू त्यतिन्जेलसम्म

हाम्रा हातहरू खाली हुनेछन्

ओ तानाशाह ! त्यतिन्जेलसम्म

हाम्रा हातहरू हतियार भइसक्छन् !

प्रतिनिधि सभा विघटनविरुद्ध नागरिक समाजले आइतबार काठमाडौँको सिफलस्थित शहीद धर्मभक्त माथेमाको शालिक अगाडि शान्तिपूर्ण विरोध प्रदर्शनमा तुम्बापोले  ‘ओ तानाशाह ’ शीर्षकको क्रान्तिकारी कविता  ।