काठमाडौँ — दलित समुदायहरूले राजधानीमा कोठा भाडा नपाएको भन्दै दलित अधिकारकार्मीहरुले माइतीघरमा अनशन बसेका छन् । दलित भएकै कारण कोठा भाडा नपाइएको र पाए पनि निष्कासित हुनुपरेको भन्दै उनीहरूले आइतबार अनशन बसेका हुन् ।
दलित अधिकारकार्मीहरु तथा अभियन्ता दीपा नेपाली, पूर्वसांसद विमला विक, चमार नेपालको तर्फवाट डा. दिनेश चमार, अपाङ्गताको तर्फबाट युवराज रसाइली र धना परियार, लेखक सञ्जीव अनशन बसेका छन् ।
अध्ययन गर्न कठमाडौंमा आएदेखि नै कोठामा जातीय विभेद भोगेको र अहिले पनि चरम विभेद भोग्नु परेको कारण धर्नामा बस्नु परेको अभियन्ता दीपा नेपालीले बताइन् । उनको अनुसार ०७६ सालमा राजधानी छिरेदेखि घरबेटीले जात थाहा पाएपछि डेराबाट निकाला गरेको, जहाँ गए पनि थर सोध्ने र थर बताएपछि बहाना गरी कोठा दिन अस्वीकार गरेको र हालै पनि जातकै कारण कोठा नपाएपछि अनशन बस्नु परेको बताइन् ।
Leave a Reply