काठमाडाैं — आइसीसी टी २० विश्वकप एसिया तथा पूर्वी एसिया प्यासिफिक क्षेत्र छनोट अन्तर्गत नेपालले सुपर सिक्सको अन्तिम खेल आज सामाओसँग खेल्दैछ।
ओमानको अल अमेरत क्रिकेट स्टेडियममा नेपाल र सामाओ बीचको खेल नेपाली समयअनुसार दिउँसो ४:१५ मा सुरु हुनेछ। दुई खेल अगावै विश्वकपमा छनोट भएको नेपालले आजको खेल जितेमा पहिलो पटक आइसिसीको प्रतियोगिताको उपाधि जित्नेछ।
नेपालले आजको खेलमा सामाओलाई हराउँदा उपाधि जित्नेछ। उपाधि जितेमा सरकारी पुरस्कार ऐनको विधान अनुसार हरेक खेलाडीले १९ लाख ५० हजार पाउनेछन्।
नेपालले यसअघि २०१० मा आइसिसीको लिग डिभिजन ५ को उपाधि जितेको थियो। सुपर सिक्स अन्तर्गतको पहिलो खेलमा नेपालले युएईलाई १ रनले पराजित गरेको थियो। त्यस्तै दोस्रो खेलमा नेपालले कतारलाई ५ रन र तेस्रो खेलमा ओमानलाई ३८ रनले पराजित गरेको थियो। नेपाल हालसम्म यस प्रतियोगितामा अपराजित रहेको छ।
सामाओले भने सुपरसिक्स अन्तर्गतको ३ खेल सकाउँदा तिनै खेलमा हार बेहोरेको छ।
Leave a Reply