काठमाडौँ — राष्ट्रपति रामचन्द्र पौडेलले पाँच देशका लागि नियुक्त भएका राजदूतहरूलाई पद तथा गोपनीयताको शपथ खुवाएका छन् ।
बुधबार राष्ट्रपति भवन शीतलनिवासमा आयोजित समारोहमा राष्ट्रपति पौडेलले पोर्चुगल, मलेसिया, दक्षिण अफ्रिका, बेल्जियम र डेनमार्कका लागि नवनियुक्त नेपाली राजदूतहरूलाई पद तथा गोपनीयताको शपथ ग्रहण गराएका हुन् ।
राजदूतहरू प्रकाशमणि पौडेल (पोर्चुगल), डा. नेत्रप्रसाद तिम्सिना (मलेसिया), प्रा. डा. कपिलमान श्रेष्ठ (दक्षिण अफ्रिका), सेवा लम्साल (बेल्जियम) र सुम्निमा तुलाधर (डेनमार्क) ले पद तथा गोपनीयताको शपथ लिएको राष्ट्रपतिको सचिवालयले जनाएको छ ।
Leave a Reply