बर्दिया — जातीय छुवाछुतका घटना हुन नदिने प्रतिवद्धता जनाउँदै बढैयाताल गाउँपालिकाले भेदभाव तथा छुवाछुत मुक्त घोषणा भएको छ ।
जातीय भेदभाव तथा छुवाछुत मुक्त बढैयाताल गाँउपालिका, समानता र भेदभाव रहित समाज निर्माणमा हाम्रो प्रतिवद्धता“ भन्ने मुल नाराका साथ गाउँपालिकाले आइतबार एक विशेष कार्यक्रम गरी छुवाछुत मुक्त घोषणा गरेको हो ।
बढैयाताल गाउँपालिका र दलित महिला संघ बर्दियाको समन्वयमा गाउँपालिकालाई छुवाछुत मुक्त घोषणा गदै जातीय छुवाछुत घटनाहरु अब आफुँहरुको गाउँपालिकामा जातीय छुवाछुतका घटना हुन नदिने प्रतिवद्धता जनाए ।
छुवाछुत मुक्त राष्ट घोषणा भइसकेपनि जातीय छुवाछुतका घटनाहरु समाजमा दिनप्रतिदिन बढ्दै गएको भन्दै व्यक्ताहरुले चिन्ता व्यक्त गरे ।
घोषणापूर्व बाजागाजा सहितको टोलीले ‘बढैयातालमा जातीय भेदभाव शून्य गरौं’ भन्ने नारा लगाउदै बजार परिक्रमा गरेको थियो ।
कार्यक्रममा गाउँपालिकाकी उपाध्यक्ष दीपा गौतमले गाउँपालिकालाई छुवाछुतमुक्त पालिका घोषणा गरेर पालिकाले सकारात्मक सन्देश दिएको बताइन् ।
उपाध्यक्ष गौतमले पालिकामा जातीय भेदभावका घटनाहरू नभएको र दलित महिला संघले लामो समयदेखि पैरवी गरेका कारण पालिकालाई जातीय भेदभाव तथा छुवाछूतमुक्त पालिका घेषणा गर्न सफल भएको समेत बताइन् ।
कार्यक्रममा लामो समयदेखि दलित समुदायको पैरवी गरेको भन्दै दलित महिला संघ बर्दियाका अध्यक्ष हिमा सुनारलाई सम्मान समेत गरिएको थियो ।
Leave a Reply