काठमाडौं — प्रधानमन्त्री शेरबहादुर देउवाको प्रेस सल्लाहकारमा गोविन्द परियार नियुक्त भएका छन् । मन्त्रिपरिषद्को बैठकले परियारलाई प्रधानमन्त्री देउवाको प्रेस सल्लाहकार नियुक्त गर्ने निर्णय गरेको हो ।
पाँचौ पटक प्रधानमन्त्री भएपछि अनौपचारिक रुपमा देउवाको सचिवालयमा बसेर काम गरिरहेका परियार प्रेस सल्लाहकार नियुक्त भएका हुन् । परियार यसअघि देउवा प्रधानमन्त्री हुँदा पनि प्रेस संयोजकको रुपमा काम गरिसकेका छन् ।
नेपाली कांग्रेसका सभापतिसमेत रहेका प्रधानमन्त्री देउवाको सचिवालयमा रहेर परियारले लामो समयदेखि प्रेस हेर्दै आएका छन् । राष्ट्रिय तथा अन्तराष्ट्रिय पत्रकारितामा तालिम प्राप्त गरेका परियार करिब १५ वर्षदेखि पत्रकारितामा क्रियाशिल थिए ।
Leave a Reply