सुनसरी —समाजमा दिन प्रतिदिन दलित युवाहरु मारिने क्रम बढ्दो छ । अन्तरजातीय विवाहकै कारण दलित युवाहरु लखेटीलखेटी मारिन्छन् त कतै दलित युवा समाजबाट तिरस्कार र दुरुत्साहित भएर मारिएका छन् । स्थान, समय र परिवेश फरक होला तर कारण उही अन्तरजातीय विवाह नै बन्नपुग्छ ।
एक वर्षभन्दा बढी समय अन्तरजातीय प्रेम सम्बन्धपछि राजी खुशी विवाह गरेका सुनसरी रामधुनी नगरपालिका वडा नं ४ पिडारी ,पत्थरकटाका १८ वर्षीय अर्जुन विश्वकर्माले आत्महत्या गरे । माघ ७ गते प्रेम विवाह गरेका विश्वकर्माको तीन दिनपछि माघ १० गते आत्महत्या गरेका हुन् । उनको आत्महत्या दुरुत्साहन भएको परिवारको दावी छ ।
आमा-बाबु र अधिकारकर्मीहरुको ठम्याई पनि उनको आत्महत्या दुरुत्साहन र ज्यान लिने धम्कीका कारण आत्महत्याको बाटो राज्नुपरेको परिवारको विश्वास छ । घटना अघि अर्जुन विश्वकर्मालाई जातीय आधारमा गालीगलौज गरी रुकुम हत्या काण्ड दोहोराउने भनेपछि र ज्यान लिने धम्की समेत दिएपछि छोराले आत्महत्याको बाटो राजेको आमाले बताइ्न । अर्जुन विश्वकर्मा स्थानीय दिपिका भुजेलबीच विगत १ वर्षदेखि प्रेम सम्बन्धमा थिए ।
प्रेम सम्बन्धलाई गत २०७७ माघ ७ गते राजी खुशीका साथ प्रेम विवाह गरे । तर विवाह कानुनी रुपले केटाकेटीको उमेर नपुगेका कारण स्थानीयहरुले लालपुर प्रहरी चौकीसम्म पु¥याए । चौकीमा स्थानीय समाजसेवी,वडाअध्यक्ष र राजनीतिक दलका प्रतिनिधिसँगै केटाकेटी पक्षका आफन्तहरु भेला भए । केटा र केटीले विवाह गरे पनि त्यस विवाहले कानुनी रुप नपाउने भएका कारण प्रहरीले केटा र केटीलाई अभिभावकको जिम्मा लगायो ।
केटाकेटी आ–आफनो अभिभावकका साथ घर गए । तर केटालाई असह्य भयो ,कलिलो उमेर ,अपरिपक्क युवा अवस्थाले पचाउन पनि किन सक्थ्यो । घर आएर उनी आफनो मामाको घर गए । मामाघर छेउमा केटीको घर थियो । केटी लगायत केटीका आफन्त र छरछिमेकले केटालाई अन्तरजातिय विवाह गरेकै कारण उनलाई जातीय आधारमा तथानाम गालीगलौज गरे ।
अर्जुनकी आमा यसो भन्छिन्
अर्जुनकी आमा कुमारी विश्वकर्माका अनुसार ,सोही दिन बेलुकी त्यस भेगमा बसोबास गर्ने अन्तरजातिय विवाह स्वीकार गर्न नसक्ने गैरदलितहरुले समेत आलो घाँउमा नुनचुक थपे झै , पश्चिम रुकुमको जस्तै घट्ना दोहोराउने भनि हामी सबैलाई तथानाम गाली गरियो । छोरोले त्यस कुरालाई सहन नसकेर एक्काशी घरमा रुदै आएर कोठा भित्रबाट चुकुल लगाएर डोरीले पासो लगाएछ । म केही छिनमा आएर छोरालाई बोलाउन थाले चिच्चाए कराए । तर त्यो ढोका खोल्न सकिन् हार गुहार गरे । कोही पनि नभएको कारण छोरालाई बचाउन सकिन । आत्महत्या गरेर आँखा अगाडी प्राण त्याग गर्यो ।
घटना घटिसकेपछि आत्महत्या गराउन बाध्य गराउने त्यस समाजका केही व्यक्तिहरु डर त्रासका कारण कोही पनि अन्तिम दाहसंस्कारमा समेत नआएको आमाले बताइन् । कलिलो छोरालाई गुमाउनु पर्दा आज हाम्रो परिवार नै विक्षिप्त बनेको छ । ‘जस–जसले छोरालाई आत्महत्या गर्नु पर्ने अवस्था बनाए, ‘उनीहरुलाई खोजीखोजी कारबाहीको भागीदार बनाउनुपर्छ ।’
आत्महत्या गर्न बाध्य बनायो : अधिकारकर्मी
घटनाको जानकारी भए पनि केन्द्रका दलित अगुवा र दलित अधिकारकर्मीहरुको टोली नगए पनि घटना भएको पाँच दिनपछि टोली घटनास्थलको अनुगमनमा तथा अध्ययन गरे । अर्जुनको आत्महत्या अन्तरजातीय प्रेम विवाहको कारण दुरुत्साहित भएर भएको टोलीले निष्कर्ष निकालेको छ ।
दलित अधिकारकर्मीहरु डिबिशाह शंकर,अमर बराईली ,पार्वती बराईली र रामधुनी झुम्काका स्थानीय अधिकारकर्मीहरु १५ गते घटनास्थल अध्ययनमा पुगेका थिए । घटनाको मुख्य कारण भनेको नै अन्तरजातिय विवाह भएको र उक्त विवाहकै कारण आत्महत्या गर्न बाध्य बनाईएको ठहर छ । घटना घटाउन बाध्य बनाउने ,ज्यान मार्न दुरुत्साहन गराउने उपर सख्त कारबाही गर्न र पीडकहरुलाई हदैसम्म कानुनी प्रक्रियाको बाटो अगाडी बढाउने दलित अधिकारकर्मीहरु माग गरेका छन् ।
Leave a Reply