रुकुम हत्या प्रकरणमा : प्रधानमन्त्रीको निर्देशन

काठमाडौं —प्रधानमन्त्री केपी शर्मा ओलीले कुनै हिसाबले छानविन प्रभावित भएको सुन्नमा आएव छानवीन गर्ने समिति र संयन्त्रलाई अर्को उच्चस्तरीय छानबिन समिति बनाएर कडा कार्वाही गरिने चेतावनी दिदै छानविन समितिको प्रतिवेदनका आधारमा कार्वाही गर्न गृहमन्त्रीलाई निर्देशन दिएका छन् ।
जेठ १७ गते बसेको मन्त्रीपरिसदको बैठको सुरुमै युवा तथा खेलकुद मन्त्री जगत बिश्वकर्माले रुकुम पश्चिम चौरजहारी नगरपालिका—८ सोती गाउँकी शुष्मा मल्ल र भेरी नगरपालिका—४ राना गाउँका नवराज विकबीचको अन्तरजातीय प्रेम प्रकरणमा रचिएको नरसंहार काण्डबारे ध्यानाकर्षण गराएपछि ,प्रधानमन्त्री ओलीले गृहमन्त्रीलाई निर्देशन दिएका हुन् ।
मन्त्रीपरिसदको बैठकमा युवा तथा खेलकुद मन्त्री जगत विश्वकर्माले राखेको प्रश्नमा प्रधामन्त्रीले भने,‘यो घटना गम्भीर जधन्य,फौजदारी अपराध र सामाजिक अपराध हो, हत्यालाई कसैले दबाउन खोजे कारबाही गरिन्छ ।’
दलित आन्दोलनका अगुवा, संगठन र संघ—संस्था,मानव अधिकारवादी नागरिक अभियन्ता, विद्यार्थी, पत्रकार, माननीय सांसद र जनप्रतिनिधिहरुको सशक्त आन्दोलनको मागलाई कार्यान्वयन गर्न प्रधानमन्त्री ओलीद्वारा कडा निर्देशन दिए ।
प्रधानमन्त्री ओली नर्ममता पुर्वक मान्छे मारिएको र सामाजिक उन्मादमा आएर कानुन हातमा लिएर हत्या गर्ने कुरा कदापी सह्य नहुने बताएका छन् । छानवीन कुनै हिसाबले प्रभावित नहोस,अपराधीलाई कडा कार्वाहीका लागि घटना सम्बन्धि सत्यतथ्य प्रमाणहरुको अनुसन्धान गर्ने,संलग्नहरु लाई गिरफ्तार गर्ने,निष्पक्ष छानवीन गर्ने,छानबिन समितिको प्रतिवेदनका आधारमा कार्वाही गर्न तत्कालै प्रहरी र प्रशासनलाई निर्देशनका लागि गृहमन्त्रीलाई निर्देशन दिए । प्रधानमन्त्रीले छानवीन राम्रो गर्ने, कुनै हिसाबले छानबिन प्रभावित भएको सुन्नमा आयो भने छानवीन गर्ने समितिरसंयन्त्रलाई अर्को उच्चस्तरीय छानबिन समिति बनाएर कडा कार्वाही गरिने चेतावनी समेत दिए । ‘मान्छेको हत्या अपराध हुँदै हो,छानवीनलाई प्रभावित गर्नु झन ठुलो अपराध हो,’उनले भने,‘एक्काइसौं शताब्दीमा पनि जातका आधारमा क्षेत्रियर लैंगिक आधारमा यस्ता सामाजिक अपराधका घटना कुनै किसिमले सह्य हुदैन ।’