विराटनगर– डेढ महिनादेखी अस्पतालमै बन्धक बस्न बाध्य भएकी सुत्केरीको वर्षिय चेली सुन्दास राजवंशीको समाजिक विकास मन्त्री जसमाया गजमेरले उद्धार गरेकी छिन ।
एक नम्बर प्रदेश सरकारकी समाजिक विकास मन्त्री जसमाया गजमेरले उपचार शुल्क तिर्न नसक्दा डेढ महिनादेखी अस्पतालमै बन्धक बस्न बाध्य सुत्केरीको उद्धार गरेकी हुन । विराटनगरको मुनालपथ स्थित विराट नर्सिङहोममा डेढ महिनादेखी बन्धक बनेकी झापा विर्तामोड नगरपालिका– ३ सुकुम्बासी टोलकी २२ वर्षिय चेली सुन्दास राजवंशीको उपचार शुल्क तिरिदिएर समाजिक विकास मन्त्री जसमाया गजमेरले उद्धार गरेकी हुन ।
२९ माघमा सात महिनाको गर्भ सुत्केरी गराउन विराटनर्सिङ होममा भर्ना भएकी सुत्केरी चेली सुन्दासले उपचार वापतको १ लाख २० हजार रुपैया तिर्न नसक्दा उनी अस्पतालबाट डिस्र्चाज हुन पाएकी थिइनन । अस्पतालवबाट डिस्र्चाज हुन नपाएपछि सुत्केरी चेली र उनकी सासु अमृत सुन्दास भोकभोकै परेका थिए ।
पैसा नभएपछि सासु र बुहारी एक महिनादेखि अस्पतालमा बन्धक,सुत्केरी भोकै र्शीषकमा शनिबार दलित अनलाईन डटकमले समाचार प्रकाशन गरेको थियो । दलित समुदायकी बुहारी उपचार खर्च तिर्न नसकेको जानकारी पाएपछि मन्त्री गजमेर आइतबार बिहान अस्पताल पुगेर जमानी बसेकी थिइन । मन्त्रीले लिखित जमानी बसेपछि अस्पताल प्रशासनले डेढ महिनादेखी अस्पताल बस्न बाध्य चेलीलाई आइतबारै डिस्र्चाज दिएको छ । मन्त्री जसमायाका अनुसार चेलीको उपचार खर्च एक नम्बर प्रदेश सरकारले बेहोरिदिने छ ।
२५ वर्षीय अनिल सुन्दासकी श्रीमती चेली गर्भ बसेको सात महिनामै व्याथाले च्यापेपछि सुत्केरी गराउन झापा विर्तामोडको मनमोहन अस्पतालमा २९ माघमा भर्ना भएकी थिइन । तर त्यहाँका चिकित्सकले क्रिटिकल केस भन्दै विराटनगरस्थित विराटनसिंङ होममा रिफर गरिदिएका थिए । चेलीलले जन्माएको छोराको जन्मिएकै दिन मृत्यु भएको थियो ।
सुकुम्बासी टोलमा घर भएका र जनमन गरि खाने अमृताको परिवार खर्च तिर्न सक्ने अवस्थामा छैन् । चेलीका श्रीमान अनिल टेलरमा कपडा सिलाउने काम गर्छन् । अस्पतालबाट श्रीमती डिस्चार्ज गराउन नसकेपछि ऋण खोज्न गाउँ गएका उनले ऋण पाउन नसक्दा श्रीमती डिस्र्चाज गराउन सकेका थिएनन ।
खाना खर्च सकिएपछि सासु अमृताले अस्पतालको क्यान्टिनमा भाडा माझेर सुत्केरी बुहारीका लागि खाना खुवाउने गरेकी थिइन । तर बिल तिर्न ढिलाई गरेको भन्दै अस्पताल प्रशासनले होटललाई खान नदिन दवाव दिएपछि क्यान्टिनले पनि खाना दिन बन्द गरेको थियो ।
पैसा नभएपछि सासु र बुहारी एक महिनादेखि अस्पतालमा बन्धक,सुत्केरी भोकै
Leave a Reply