प्रतिनिधिसभाबाट पाँच अध्यादेश स्वीकृत

काठमाडौं —  सरकारको सिफारिसमा राष्ट्रपति रामचन्द्र पौडेलले जारी गरेका पाँच अध्यादेश प्रतिनिधिसभाको बैठकले स्वीकृत गरेको छ। बुधबार बसेको प्रतिनिधिसभा बैठकले अध्यादेश बहुमतले स्वीकृत गरेको हो। विवाद भएपछि भूमिसम्बन्धी अध्यादेश भने छलफलका लागि पेस गरिएन।

सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने अध्यादेश, आर्थिक कार्यविधि तथा वित्तीय उत्तरदायित्व (पहिलो संशोधन) अध्यादेश, निजीकरण (पहिलो संशोधन) अध्यादेश र आर्थिक तथा व्यावसायिक वातावरण सुधार र लगानी अभिवृद्धिसम्बन्धी केही नेपाल ऐनलाई संशोधन गर्ने अध्यादेश, सहकारीसम्बन्धी केही नेपाल ऐनलाई संशोधन गर्ने अध्यादेश बहुमतबाट स्वीकृत भएको हो । प्रतिपक्षी दलहरू अध्यादेशको विपक्षमा उभिएका थिए।