![](https://dalitonline.com/wp-content/uploads/2023/07/358856205_257658017060282_218491638386596104_n_590389670.jpg)
काठमाडौँ — बझाङको बित्थडचिर गाउँपालिकामा दलितमाथि भएको जातीय विभेद घटनाका दोषीलाई कडा कारबाहीको माग गर्दै अनेरास्ववियुले बालुवाटारमा विरोध प्रदर्शन गरेको छ ।
![](http://dalitonline.com/wp-content/uploads/2023/07/363984939_6605109569545130_862600784472902196_n.jpg)
नेकपा एमाले निकट विद्यार्थी संगठन अनेरास्ववियुले बित्थडचिरमा बनाउँदै गरेको घर भत्काएर दलितमाथि अमानवीय विभेद भएको भन्दै घटनामा संलग्नलाई कारबाहीको माग गर्दै शनिबार बालुवाटारमा प्रदर्शन गरेको हो ।
![](http://dalitonline.com/wp-content/uploads/2023/07/fdgfdg.jpg)
बझाङको बित्थडचिर गाउँपालिकामा करण ओखेडाले बनाउँदै गरेको घर साउन १० गते गाउँलेले भत्काइदिएका थिए। आफूहरुको बस्ती नजिक दलितले घर बनाउन पाइँदैन भन्दै उनीहरुले ओखेडाले बनाउँदै गरेको घर भत्काएका थिए।
![](https://dalitonline.com/wp-content/uploads/2023/07/dsfdsf-1.jpg)
विरोध प्रदर्शन कार्यक्रममा बोल्दै अनेरास्ववियु नरेश रोकायाले घटनाका दोषीलाई कारबाही गर्न सरकारले चासो नदिए कडा आन्दोलन गर्ने बताए । उनले जातीय विभेदको जघन्य घटनामा पनि सरकार मूकदर्शक बनेको भन्दै आलोचना गरे ।
![](http://dalitonline.com/wp-content/uploads/2023/07/363998538_6605109466211807_3894871216092653408_n.jpg)
रोकायले घटनाका दोषीलाई तत्काल कारबाही गर्न माग गरे । दोषीलाई कारबाही नभए अनेरास्ववियु आन्दोलित हुने उनलेले चेतावनी दिए ।
Leave a Reply