काठमाडौं— नेकपा एमाले निकट नेपाल उत्पीडित जातिय मुक्ति समाजको प्रथम बागमती प्रदेश सम्मेलनमा नेतृत्वले आँफु खुशी कमिटी घोषणा गरेपछि विवाद विवाद हुँदा माईन्युट च्यातिएको छ । यो सँगै नेपाल उत्पीडित जातिय मुक्ति समाजको केन्द्रीय विवाद अब प्रदेश तिर पनि देखा पर्न थालेको छ ।
आइतबार राजधानीको कमलादीस्थित नेपाल प्रज्ञा प्रतिष्ठानमा आयोजित प्रथम बागमती प्रदेश सम्मेलनमा प्रतिनिधिको भावना विपरीत एकतर्फी ढंगले नेतृत्वले आँफु खुशी कमिटी घोषणा गरेपछि विवाद भएको हो ।
मुक्ति समाजका केन्द्रीय अध्यक्ष मनोहर वि. पौडेलको प्रमुख आतिथ्य र नेकपा एमाले स्थायी कमिटी सदस्य तथा जनसंगठन समन्वय संयन्त्रका ईन्चार्ज भानुभक्त ढकालको विशेष आतिथ्यमा सम्मेलन संचालन भएको थियो । केन्द्रीय अध्यक्ष मनोहर वि. पौडेलले बन्दसत्रको म्यानडेट विपरीत , अलोकतान्त्रिक तथा जनताको बहुदलीय जनवादको खिलाफ नेतृत्वले आँफु खुशी आफ्ना निकटका मान्छेलाई राखेर नाम लिस्ट घोषणा गर्न लागे पछि माईन्युट च्यातिएको अध्यक्षका प्रत्याशी रमेशमान सुनारले बताए । केन्द्रीय कमिटीमा के-के गर्नु हुन्छ गर्नुस् तर बागमती प्रदेशमा सार्वभौम प्रतिनिधिलाई आफ्नो विवेकको प्रयोग गर्न दिनुस् भन्दा जबर्जस्ती केन्द्रीय कमिटीले नाम पढ्न लागेपछि प्रतिकार गरिएको रमेशमान सुनारले जानकारी दिए ।
अध्यक्षका अर्का प्रत्यासी नुवाकोटका नारायण दुलालले नेतृत्वमा अंहकारी र दम्भ देखिएको बताए । संगठनमा कुनै योगदान नै नभएको , चाकदी र चाप्लुसीका आधारमामा मनोमानी ढंगले व्यक्ति छनोट गरिएकोले उपाध्यक्ष पद बहिष्कार गरेको उनले बताए । नेतृत्व नसच्चिए फरक ढंगले जान सकिने दुलालले चेतावनी दिए।
मुक्ति समाज धादिङ जिल्ला कमिटीकै असहमति रहेको छ । त्यस्तै असन्तुष्ट हुनेहरुमा मकवानपुरका गोविन्द विक र सिन्धुलीका डम्बर विक पनि रहेका छन् । मुक्ति समाजको केन्द्रीय कमिटीमा हरि नेपाली , राजेश नेपाली , दिनेश अच्छामी , रामलाल राजवंशी विके , विष्णु कुमार विके , सुनिता रामदाम , राजेन्द्र विश्वकर्मा , कल्पना सुनार लगायत ५० भन्दा बढी सदस्य ले नेपालको दलित आन्दोलनलाई नयाँ वैचारिकी सहित अगाडी बढाउनु पर्ने , पार्टीमा मुक्ति समाजले उठाएको मुद्दा समेट्नु पर्ने , नेतृत्वको मनोमानी सच्चिनु पर्ने माग गर्दै फरक मतका साथ आफ्नो विरोध जनाईरहेका छन् ।
Leave a Reply