काठमाडौँ— राष्ट्रिय दलित आयोगले गाउँपालिकाका अध्यक्ष उग्रनारायण यादवलाई नियन्त्रणमा लिई कानुन बमोजिम कारबाही गर्न र अपमानित दलित समुदायको मानव अधिकारको संरक्षण गर्न नेपाल सरकारसँग माग गरेको छ ।
सिरहा जिल्लाको भगवानपुर गाउँपालिकाका अध्यक्ष उग्रनारायण यादवले आफ्नी दिवंगत आमाको १३ औँ दिनको पुण्यतिथिमा सोमबार गरेको भोजमा जात र समुदाय अनुसार फरक–फरक ठाउँमा बसेर खाने प्रबन्ध गरी विभेद गरेका थिए ।
प्लेकार्ड नै टाँसेर गैरदलित, मुस्लिम र दलित निम्तालुलाई खाने ठाउँ छुट्याइएर जातीय आधार विभेद गरेपछि राष्ट्रिय दलित आयोगले यादवलाई नियन्त्रणमा लिई कानुन बमोजिम कारबाही गर्न र अपमानित दलित समुदायको मानव अधिकारको संरक्षण गर्न नेपाल सरकारसँग माग गरेको हो ।
राष्ट्रिय दलित आयोगका अध्यक्ष देवराज विश्वकर्माद्वारा जारी विज्ञप्तिमा निएको छ, ‘गाउँपालिका अध्यक्ष जस्तो सार्वजनिक जिम्मेवारी रहेको व्यक्तिले मानव अधिकार अन्तराष्ट्रिय मूल्यमान्यता, नेपालको संविधान र प्रचलित ऐन कानुनको उल्लंखन हुने गरी मधेशका युगौदेखि शोषण र उत्पीडनमा पारिएका समुदायलाई घोषित रुपमा छुटयाउने गरी व्यानर समेत राखेर समुदायलाई छुट्टै भोज खुवाउने कार्यको निन्दा एवम् भत्सर्ना गर्दछौं ।
Leave a Reply