लोकगायिका दिलमाया सुनार हत्या प्रकरण : प्रेमी श्रेष्ठलाई पाँच दिन थुनामा राख्न अनुमति

काठमाडौँ —लोक दोहोरी गायिका दिलमाया सुनारको शंकास्पद मृत्यु प्रकरणमा पक्राउ परेका प्रेमी सूर्य श्रेष्ठलाई जिल्ला अदालत काठमाडौंले पाँच दिन हिरासतमा राख्न अनुमति दिएको छ ।

मृतक सु्नारका परिवारले श्रेष्ठविरुद्ध कर्तव्य ज्यानसम्बन्धी कसूरमा किटानी जाहेरी दिएका छन् । प्रहरीले अनुसन्धानका लागि उनलाई हिरासतमा राख्ने अनुमति पाएको हो ।

शनिबार बिहान आफ्नै कोठामा सुनार मृत फेला परेकी थिइन् । आइतबार प्रहरीले उनका प्रेमी श्रेष्ठलाई पक्राउ गरेको थियो ।