सिरहा—सिरहासँग जोडीएको भारतीय विहारको जयनगर बजार नजिकै एक दलित युवकलाई घाँटी रेटेर हत्या गरेको अवस्थामा शव फेला परेको छ ।
मृतक सिरहाको गोलबाजर नगरपालिका ४ निपनियाँका ४० वर्षिय दुखरण महरा रहेको प्रहरीले जनाएको छ । महराको धारीलो हतियारले घाँटी रेटिएको छ भने शरिरको विभिन्न भागमा चोट पटक देखिएको छ ।
जिल्ला प्रहरी कार्यालय सिराका सूचना अधिकारी सुवास बुढाथोकीका अनुसार, महराको शव जयनगरकै एक अस्पतालमा रहेको बताइएको छ । महरा विहिबार दिउँसो किस्तामा पैसा उठाएर मोटरसाइकल किन्न घरबाट गोलबजारतिर निस्किएको उनको जेष्ठो छोरा विमल महराले बताए ।
विहान वेवारिसे अवस्थामा भेटिएका उनको पकेटको डायरीमा नेपाली फोन नम्बरको आधारमा उनी नेपाली भएको जानकारी पाएपछि भारतीय प्रहरीले नेपाल प्रहरीसँग समन्वय गरेर जानकारी दिएको थियो । सोही आधारमा प्रहरीले घर परिवारलाई जानकारी दिएको थियो । घटना थाहापाएपछि घरमा रुवावासी चलेको छ । मृतक महराको श्रीमती, तीन छोरा र एक छोरी रहेको छ । प्रहरीकानुसार घटनाबारे भारतीय प्रहरीसँगको समन्वयमा गरि थप अनुसन्धान कार्य भईरहेको बताएको छ ।
Leave a Reply