काठमाडौं– अछामको पञ्चदेवल विनायक नगरपालिकाभित्र क्वारेन्टाइनमा राख्ने विषयमा मेयरसावबाटै जातीय विभेद भएको भन्ने घटनामा नगरपालिकाका प्रमुख देवराज देवकोटाले आफुले नियतपूर्वक जातीय छुवाछूत नगरेको स्पष्ट पारेका छन् ।
नगरपालिका वडा ४ का प्रकाश विक र स्थानीय ३ जनाहरु युवाहरु सुर्खेतबाट आछाम पुगेपछि अन्यलाई क्वारेन्टाइनमा नराखी प्रकाशलाई जातीय विभेद गरी क्वारेन्टाइनमा राखिएको भन्दै स्थानीय दलित अधिकारकर्मीहरुले घटना सार्वजनिक गरेका थिए । बुधबार दलित अनलाईन डटकमसँग कुराकानी गदै प्रमुख देवराज देवकोटाले आफुबाट प्रकाशलाई कुनै विभेद नगरेको बताएका हुन् ।
विदेशबाट आएका चन्द्र देवकोटा, ललित शाही, जय बडुवाल लगायत चार जनालाई क्वारेन्टाइनमा नराखी घर पठाएको र आफ्नो घरमै क्वारेन्टाइनमा बसेका सोही नगरपालिकाको वडा नम्बर ४ क प्रकाश विकलाई प्रहरी लगाई समातेर नगरपालिकाले तोकेको क्वारेन्टाइनमा राखेको आज ६ दिन भइसकेको छ ।
दलित अनलाईनसँगको कुराकानीमा मेयर देवकोटाले भने, यही जातिय भेदभाव, छुवाछुत ,सामन्ती प्रथा जस्ता विभिन्न शासनकालका आन्दोलनहरुमा म सहभागी भएर सक्रिय रुपमा राजनीतिमा लागेको मान्छे हो । यहाँ कुनै केहि भएको छैन, पूर्ण रुपमा समानता छ । म एउटा सामन्त, ठुलो जमिन्दारको छोरा पनि होइन ,म एउटा साधारण मान्छे हुँ र म स्वयं छुवाछुतको विरोधमा छु ।
दलित अनलाईन डटकमले सुरु गरेको कोभिड –१९ को ‘लकडाउन वाच’ मा पञ्चदेवल विनायक नगरपालिका प्रमुख देवराज देवकोटालाई के प्रकाशमाथि विभेद भएकै हो ? भनेर सोधेका छौं । प्रस्तुत छ कुराकानीको संम्पादित बाँकी अँश ।
घटना के हो ?
अछाममा क्वारेन्टाइनमा राख्ने बेलामा विभेद भयो भनेर केही मिडियाहरुले समाचार बनाए त्यो शतप्रतिशत झुठा हो । त्यहाँ ३ जना हुनुहुन्छ , २ जना अनिल राव र कमल राव , प्रकाश जी । उहाँहरु सबै एउटै कोठामा बस्नुहुन्छ । भान्से प्रेम विक पहिलाको कार्यालय सहयोगी हुनुहुन्छ , एकजना स्वास्थ्यकर्मी हुनुहुन्छ, २ जना सुरक्षाकर्मी हुनुहुन्छ, २ जना भान्से हुनुहुन्छ । कहि पनि विभेद गरिएको छैन , त्यो विभेदको पूर्ण विरोधी हुँ म । म ३६ सालको जनमत संग्रह देखि हरेक आन्दोलनमा सहभागी छु । यही जातिय भेदभाव, छुवाछुत ,सामन्ती प्रथा जस्ता विभिन्न शासनकालका आन्दोलनहरुमा म सहभागी भएर सक्रिय रुपमा राजनीतिमा लागेको मान्छे हो । यहाँ कुनै केहि विभेद भएको छैन, पूर्ण रुपमा समानता छ । म एउटा सामन्त, ठुलो जमिन्दारको छोरा पनि होइन ,म एउटा साधारण मान्छे हुँ र म स्वयं छुवाछुतको विरोधमा छु भने केहि अनलाइनले त्यसै लेखेर हुदैन । मैले हिजो पनि यसको विरुद्धमा प्रेस विज्ञप्ति नै निकालेको थिए ।
अहिले विश्व महामारीको चपेटामा छ , यसलाई निराकरण गर्ने भनेको अहिले सोसल डिस्ट्यान्स गर्नुप¥यो, क्वारेन्टाइनमा बस्नुप¥यो भन्ने हो । क्वारेन्टाइन भनेको वन्दीगृह होइन, त्यहाँ पनि बस्ने, खाने व्यवस्था छ ,मेडिकल टिमहरु लाई बाहिर राखेका छौं ,। त्यसको तेहौं, चौधौ दिनमा पनि चेक गरेर नेगेटिभ आयो भने घर पठाउँछौं । पहिला पनि हामीले त्यसै गर्दै आइरहेको हो । हाम्रो सम्पर्कमा आउँदा कोही पहाडबाट आउँछन्, कोही इन्डियाबाट लुकी लुकी आउँछन्, कोही काठमाडौबाट आउने, सम्पर्क नहुने छन् तर सम्पर्कमा आएका दाजुभााइहरुलाई गर्ने हो र प्रकाशको सन्दर्भमा उसको घर परिवार संगै सल्लाह गरेर यो रोग १४, १५ दिनपछि पनि देखिन्छ , तिमी बाहिरबाट आएको हो, त्यसैले तिमी त्यहाँ गएर बस्नुपर्छ भनेर उसको बाबु आमाले पनि भनेपछि उसलाई ल्याएको हो । उनलाई त्यस्तो असुविधा पनि छैन , सबै एकै ठाउँमा बसेका छन् । जसरी एउटा मिडियाले लेखेका छन् , यो नियतवश गरिएको हो र मेरो विरोधमा कसरी लाग्नुभयो मलाई थाहा छैन , यो सरासर झुट हो ।
नियतवश त्यस्तो केहि छैन, खाली यो कोरोना रोगबाट बच्नको लागि जिल्लाभन्दा बाहिरबाट आएपछि कसरी गर्ने हो, जिल्ला प्रशासन कार्यालयले पनि निर्णय गरेको छ की कोही पनि बाहिरबाट आएको मान्छे केहि समय क्वारेन्टाइनमा राख्नु भनेको छ, त्यही अनुसार पो गरेको हो त ।
दलित वर्गलाई पनि भान्से बनाएको छु , म बिहान जान्छु उहाँलाई सोध्छु , उहाँ खुशीसाथ बस्नुभएको छ ,उहाँलाई ६,७ दिन भयो, अब बाँकी ६, ७ दिन राखेर र्यापिड टेष्ट गराएर नेगेटिभ आएमा घर पठाउनेछु । अहिले पनि भारतबाट १ जना आउनुभएको छ भन्ने खबर पाएको छु, उहाँलाई पनि क्वारेन्टाइनमा राखिन्छ । त्यसैले अहिलेको हाम्रो काम भनेकै लकडाउनको पूर्ण पालना गर्नु हो र मैले पनि पालना गरेको छु र अरु पनि कोही बाहिरबाट आउनुभएको छ भने उहाँहरु पनि क्वारेन्टाइनमा बसिदिनुहोला भन्ने म आग्रह गर्दछु ।
Leave a Reply