काठमाडौं– प्रतिनिधिसभाकी सांसद आशा विकले विश्वकर्मा समुदायले अंगाल्दै आएको सुनचाँदी पसल ठुला व्यापरीहरुको सिन्डीकेटले गर्दा बन्द हुने अवस्थामा पुगेको भन्दै सरकारले तत्कालै छानविन गरी कारबाही गर्नुपर्ने बताउनुभएको छ ।
बुधबार संसद बैठकमा बोल्दै सांसद आशा विकले देशभर बीस हजार भन्दा बढि सुनचाँदी पेशामा दलित समुदाय आवद्ध रहेको र पैतीस हजार भन्दा बढि कालीगढहरु दलित समुदायको परम्परागत सुनचाँदी हस्तकला पेशामा आबद्ध रही आफनो जीवीकोपार्जन गर्दै आएको भन्दै सभामुखलाई तत्कालै छानविन गरी कारबाही गर्नुपर्ने बताउनुभएको हो ।
राज्यलाई समेत यो समुदायले वार्षिक आठ अर्व भन्दा बढि कर तिर्दै आएका छन् । तीनै समुदाय कच्चा पदार्थ सुन अभावका कारणले र ठुला व्यापरीहरुको सिन्डीकेटले गर्दा पेशाबाट नै बाहिरीनुपर्ने खतरा समेत रहेको विकले संसदमा जानकारी दिनुभयो ।
विकले संसदमा सरकारले उपलब्ध गराएको दैनिक २० केजी सुनको कोटामा समेत केहि ठुला व्यापारीहरुको हातमा मात्र जाने र नेपाल सुन चाँदी व्यवसायी महासंघको घोषित नीतिका कारणले र राष्ट्र बैंकले समेत बिना नियम कानुन दैनिक २० केजी सुन महासंघहरुलाई मात्र उपलब्ध गराएको र उक्त कोटामा प्राप्त सुनलाई केही माफिया र ठुला सुन व्यापारीहरुले सिन्डीकेट खडा गरी तोलामा ४ हजार बढि लिदै सो सुन बेच्ने गरी कालो बजारी गरेको पाइएकोले राष्ट्र बैंकले उक्त सुन महासंघलाई नदिई सीधै व्यवसायी र कालीगढहरुलाई एकद्धार प्रणालीबाट उपलब्ध गराउन सरकारलाई अनुरोध समेत गर्नुभयो ।
नजिकिदै गरेको चाडपर्व जस्तै तीज, दशैं , तिहार लगायत चाडपर्वमा केही ठुला व्यवसायीहरुले सिन्डीकेट खडा गरी कच्चा पदार्थको कृत्रिम अभाव निर्माण गरी कालीगढ र व्यवसायीहरुलाई मारमा पार्ने र त्यसको प्रत्यक्ष असर उपभोक्तालाई पर्न जाने हुँदा तत्काल समस्याको निराकरण गर्न सम्माननीय सभामुख मार्फत सरकारको ध्यानाकर्षण गराउन चाहन्छु ,उहाँले भन्नुभयो ।
दलित समुदायको ऐतिहासिक परम्परागत सीप र पेशालाई राज्यले संरक्षण गरेमात्र समृद्ध नेपाल र सुखी नेपाल बन्ने सम्भावना छ । अन्यथा दलित समुदायका लागि हात्ती आयो हात्ती आयो फुस्स हुने सिवाय केहि छैन भन्दै सांसद विकले सम्माननीय सभामुख मार्फत तत्काल समस्या समाधानका लागि सरकारलाई विशेष आग्रह गर्नुभयो ।
भिडियो
https://www.facebook.com/100004953468725/videos/1054857964689309/?t=8
Leave a Reply